ال 2017 جىلدىڭ سوڭىندا KPMG اۋديتورلىق كومپانياسى قوردىڭ اقپاراتتىق جۇيەسىن اۋديتتەن وتكىزگەن بولاتىن. اۋديتورلار قوردىڭ نەگىزگى ۇدەرىستەرىنىڭ اۆتوماتتاندىرىلۋ دەڭگەيى 82 پايىزدى قۇرايدجى دەپ باعالادى. 2017 جىلدىڭ ەكىنشى جارتىسىنان باستاپ قور زەينەتاقى قىزمەتتەرىن كورسەتەتىن نەگىزگى جۇيەلەردىڭ توقتاپ قالۋ ۋاقىتىن باقىلاۋعا الدى. اقپاراتتىق جۇيەلەردىڭ ۇزدىكسىز جۇمىس ىستەۋ كورسەتكىشى – 99,98 پايىزدى قۇرادى.
بيىل زەينەتاقىمەن قامتاماسىز ەتۋ سالاسىنداعى اقپاراتتىق قىزمەتتەردىڭ ۇزدىكسىزدىگىن قامتاماسىز ەتۋ ءۇشىن مەتروكلاستەر قۇرۋ جانە الماتى مەن استانا قالالارىندا اقپاراتتار وڭدەۋدىڭ رەزەرۆتىك ورتالىعىن جاساقتاۋ جۇمىستارى جۇرگىزىلۋدە. بۇل جوبانى جۇزەگە اسىرۋ ەلىمىزدىڭ وبلىستارىنىڭ بىرىندە ۇلكەن تابيعي نەمەسە تەحنوگەندىك اپات بولعاننىڭ وزىندە, قوردىڭ اقپاراتتىق قىزمەتىن ۇزدىكسىز جانە تولىققاندى اۋقىمدا جالعاستىرۋعا مۇمكىندىك بەرەدى.
زەينەتاقى زاڭناماسىنىڭ وزگەرۋىنە جانە ەلەكتروندىق سەرۆيستەردىڭ دامۋىنا بايلانىستى جەكە مالىمەتتەردى ەسەپتەۋ جۇيەسى ءاردايىم جاڭارتىلۋدا. مىسالى, 2018 جىلدىڭ باسىندا جۇيەدە زەينەتاقى تولەمدەرىن كەستە بويىنشا, سونىڭ ىشىندە زەينەتاقى تولەمدەرىن كەستە بويىنشا اي سايىن جۇزەگە اسىرۋعا قاتىستى مىندەت-تاسىلدەرى جاڭارتىلدى. قور قىزمەتتەرىن بجزق بولىمدەرىنە بارىپ قانا ەمەس, ءداستۇرلى جانە ەلەكتروندى پوشتا ارقىلى, www.enpf.kz سايتىندا «جەكە كابينەت» اشۋ ارقىلى, ۇيالى قوسىمشا كومەگىمەن, e-gov.kz ەلەكتروندىق ۇكىمەتى سايتىندا, ءوز-وزىنە قىزمەت كورسەتۋ تەرمينالدارىندا دا الۋعا بولادى. بۇل قىزمەتتەرگە جۇگىنۋشىلەر قاتارى كۇن ساناپ ارتىپ كەلەدى.
ENPF ۇيالى قوسىمشاسىن جۇكتەگەندەر سانى 2018 جىلدىڭ 5 ايىندا 305,8 مىڭ بىرلىككە جەتتى. بۇل وتكەن جىلدىڭ وسى كەزەڭىمەن سالىستىرعاندا 6 پايىزعا ارتىق (287 مىڭ جۇكتەمە).
ەستەرىڭىزگە سالا كەتەيىك, 2017 جىلى زەينەتاقى قورى enpf.kz سايتى ارقىلى زەينەتاقى شوتىن اشۋعا ارىز بەرۋ, جەكە دەرەكتەمەلەرگە وزگەرىس ەنگىزۋ, ينتەرنەت-حابارلاندىرۋ ءادىسىن تاڭداۋ, تولەم جاساۋعا ءوتىنىش بەرۋ, ونىڭ ورىندالۋىن ونلاين-رەجيمدە قاداعالاۋ سىندى بىرقاتار ەلەكتروندىق قىزمەت تۇرلەرىن ەنگىزدى. بيىل enpf.kz سايتى ارقىلى زەينەتاقى كەلىسىمىنىڭ كوشىرمەسىن الۋ قىزمەتى قولجەتىمدى بولدى. ەلەكتروندىق قىزمەتتەر بار-جوعى بىرەر مينۋتتا كورسەتىلەدى.
جاڭا ەلەكتروندىق قىزمەتتەر ىسكە قوسىلعاننان بەرى ول 2018 جىلدىڭ 1 شىلدەسىنە دەيىن 55 800 رەت قودانىلعان. ناقتى ايتقاندا, قور سايتىنداعى «جەكە كابينەت» ارقىلى 12 500 جەكە زەينەتاقى شوتى اشىلعان (جسن جانە قۇپيا ءسوز نەمەسە حالىققا قىزمەت كورسەتۋ ورتالىعىندا بەرىلەتىن ەلەكتروندىق تسيفرلىق قولتاڭبا ارقىلى). 3 226 الۋشى (زەينەتاقى جاسىنا كەلگەن نەمەسە 1, 2 توپتاعى مۇگەدەكتىگى مەرزىمسىز تاعايىندالعان ازاماتتار) زەينەتاقى تولەمدەرىن جاساۋ تۋرالى ءوتىنىش بەرگەن. جەكە دەرەكتەمەلەرگە 30 794 وزگەرىس ەنگىزىلىپ, جەكە زەينەتاقى شوتىنىڭ جاي-كۇيى تۋرالى حابارلاندىرۋ ءادىسىن وزگەرتۋدى ينتەرنەتكە ارقىلى الۋبويىنشا9320 وپەراتسيا جاسالعان.
قازىرگى ۋاقىتتا قر اقپارات جانە كوممۋنيكاتسيالار مينيسترلىگىنىڭ «ەلەكتروندىق ۇكىمەت» شليۋزى ارقىلى قر ادىلەت مينيسترلىگىنىڭ مەملەكەتتىك اقپاراتتار بازاسىنداعى «جەكە تۇلعالار»بولىمىمەن شۇعىل اقپارات الماسۋ ءۇشىن ۇيلەستىرۋ ۇدەرىستەرى بەلسەندى جۇرگىزىلۋدە. تاياۋ ارادا حالىققا قىزمەت كورسەتۋ ورتالىقتارىنىڭ (حقكو), ەڭبەك جانە حالىقتى الەۋمەتتىك قورعاۋ مينيسترلىگىنىڭ جانە بجزق-نىڭ اۆتوماتتاندىرىلعان اقپاراتتىق جۇيەلەرىن ءبىر-بىرىمەن ۇيلەستىرۋ ارقاسىندا زەينەتاقى تاعايىنداۋ جونىندەگى كومپوزيتتىك قىزمەت قولجەتىمدى بولادى. وعان «مەملەكەتتىك بازالىق زەينەتاقى تولەمدەرىن تاعايىنداۋ», «جاسى كەلۋىنە بايلانىستى زەينەتاقى تولەمدەرىن تاعايىنداۋ», «بىرىڭعاي جيناقتاۋشى زەينەتاقى قورىنان زەينەتاقى تولەمدەرىن تاعايىنداۋ», «زەينەتاقى جيناقتارىنا مەملەكەتتىك كەپىلدىك تولەۋ» قىزمەتتەرى كىرەدى.
بۇگىندە كەڭ قولدانىسقا ەنگەن «Facebook», «ۆكونتاكتە», «تۆيتتەر», «ودنوكلاسسنيكي» جانە «Instagram» سىندى الەۋمەتتىك جەلىلەرمەن قاتار, قور بيىلدان باستاپ چات-بوتتار مەن Telegram, Whatsapp, مەسسەنجەرلەر ارقىلى اقپارات تاراتۋ شاراسىن ەنگىزۋدە. بارلىق بايلانىس ارنالارى زەينەتاقى جۇيەسى مەن بجزق قىزمەتى تۋرالى قاجەتتى اقپارات الۋعا, ال كەرەك جاعدايدا ناقتى جەكە ساۋالدار بويىنشا كەڭەس الۋعا مۇمكىندىك بەرەدى.
تاياۋ ۋاقىتتا سالىمشىلارمەن ءوزارا بايلانىستى جەدەلدەتۋ ماقساتىندا Whatsapp (8-777-000-1418 نومەرى) ارقىلى اقپاراتتى قور كەڭسەسىنە بارىپ, قوڭىراۋ شالماي-اق اۆتوماتتى رەجيمدە الۋعا جول اشاتىن بولادى.
بجزق-دا قولدانىلاتىن اقپاراتتىق تەحنولوگيالار زەينەتاقى قىزمەتتەرىنىڭ ساپاسى مەن قولجەتىمدىلىگىن ارتتىرۋعا ىقپال ەتەتىنىن اتاپ وتكەن ابزال.
دايىنداعان ايناش ەسالي,
«ەگەمەن قازاقستان»
الماتى
